ශ්‍රි පාද උඩ මළුවෙන් පහලට තරුණයෙක් පනි – තරුණයා සොයා යුධ හමුදාව මෙහෙයුමක්

ශ්‍රි පාද වන්දනාවේ පැමිණි තරුණයෙක් ශ්‍රි පාද උඩ මළුවේ රත්නපුර මාර්ගයේදි ආරක්ෂිත වැටෙන් පහලට පැන අතුරුදන්ව ඇති බව නල්ලතන්නිය පොලිසිය පවසනවා.

මෙලෙස ශ්‍රි පාද උඩමළුවෙන් පහලට පැන අතුරුදන්ව ඇත්තේ හම්බන්තොට සුරියවැව ප්‍රදේශයේ පදිංචි දිනේෂ් හේමන්ත නැමති (33) යන අයෙකි.

මෙම තරුණයා සුරියවැව ප්‍රදේශයේ තවත් කාන්තාවන් දෙදෙනෙකු සමග ඊයේ (19) දින උදැසන ශ්‍රි පාද වන්දනාවේ පැමිණ තිබෙනවා.

ශ්‍රි පාද උඩමළුවේ රත්නපුර මර්ගයෙන් පහලට බසිමින් සිටියදි එකවරම දිවගොස් ආරක්ෂිත වැටෙන් පහලට පනින අයුරු ශ්‍රි පාද උඩ මළුවේ සවි කර තිබු ආරක්ෂිත කැමරා දර්ශනවල පටිගත වි තිබුණා.

ශ්‍රි පාද උඩමළුවෙන් පහලට පැන්න තරුණයා සොයා ලක්ෂපාන යුධ හමුදා කදවුරේ භට පිරිස් විසින් අද (20) දින උදැසන සිට ශ්‍රි පාද උඩමළුව රක්ෂිතයේ මෙහෙයුමක් දියත් කළා.

ශ්‍රි පාද මළුවෙන් පහලට පැන ඇති තරුණයා මළුවෙන් පහලට පැනිමට ප්‍රථම සිහි විකල්වි සිටි බව එම තරුණයා සමග පැමිණි කාන්තාවන් දෙදෙනා නල්ලතන්නිය පොලිසිය වෙත පවසා තිබෙනවා.

අතුරුදහන් වු තරුණයා සම්බන්ධයෙන් රත්නපුර ශ්‍රි පාද මාර්ගයේ පිහිටි සිරිපාගම පොලිසිය වෙත ඔහුගේ ඥාතින් විසින් පැමිණිල්ලක්ද කර තිබෙනවා.